თბილისში, საბურთალოს რაიონში, ქავთარაძის ქუჩაზე, „დრიმ თაუნთან“ სპეცოპერაცია მიმდინარეობს. ინფორმაციას ამის შესახებ 1tv.ge ავრცელებს.
ადგილზე სამართალდამცველები არიან მობილიზებული.
საქართველოს პირველ არხს სახელმწიფო უსაფრთხოების სამსახურში დაუდასტურეს, რომ ღონისძიებას სუს-ი ატარებს, თუმცა რას უკავშირდება სპეცოპერაცია, გამოძიების ინტერესებიდან გამომდინარე უწყებაში ამ ეტაპზე კომენტარს არ აკეთებენ.
ამ დროისთვის არსებული, დაუდასტურებელი ინფორმაციით, დაკავებულია ჩეჩენი ეროვნების მოქალაქე, რომელსაც აღნიშნულ ადგილზე ბინა ჰქონდა ნაქირავები.