დღეს ყველაზე საშიში ეკლესიას ამოფარებული ადამიანები არიან – პეტრე კვარაცხელია

დეკანოზი პეტრე კოლხი სოციალურ ქსელის “ფეისბუქის” საშუალებით პოსტს აქვეყნებს, რომელსაც უცბლელად გთავაზობთ:
“არ მოტყუვდე, თუ ვინმე
ღმერთს ხშირად ახსენებს და თითქმის ყოველ დღე ეკლესიის, ან მონასტრის მოსალოცად დადის, მხოლოდ ამის გამო არ ენდო მას…
არ მოტყუვდე, რადგან სიტყვიერად ღმერთის ხსენება და ,,მამაო ჩვენოს” წამოძახილი არ ნიშნავს ღრმად მორწმუნეობას, არც კარგ ადამიანობას და სიკეთეს.
დღეს ყველაზე საშიში ზუსტად ისინი არიან, ვითომ ეკლესიურის ნიღაბი რომ აქვთ მორგებული და სინამდვილეში, გაბრაზებულ გულზე ისეთებს იკადრებენ, აღმსარებელი და მაზიარებელი კი არა, არც ერთი ჯანსაღი ადამიანი რომ არ იკადრებს.
მათ ძალიან ადვილად შეუძლიათ, ტაძარს ქონება შესწირონ, მაგრამ იქიდან წამოსულებმა ადამიანის განადგურებაზე გეგმები შეადგინონ…
მეგობრებს შორის ბოროტი ენები ატრიალონ…
გულღრძოსთან ერთად უჭკუოებიც არიან, იმდენსაც ვერ ხვდებიან, საკუთარ ინტრიგაში თავად რომ ეხვევიან და საბოლოოდ სიმართლე მაინც გაირკვევა…
ასეთი ადამიანების გულს სინანული, ნამდვილი სიყვარული, სიკეთის მარცვალი არასდროს ეკარება…
ასეთებისგან თავი შორს უნდა გეჭიროს, მხოლოდ ღმერთს მიანდე და მათი გაბოროტებული ბუნება საქმის გარჩევებითაც არ უნდა დააკმაყოფილო!..” – წერს პეტრე კოლხი