ჯანდაცვის ექსპერტი, გიორგი ფხაკაძე სოციალურ ქსელში პოსტს აქვეყნებს და “პარტია” გირჩს მიმართავს:
“გირჩი”: ადამიანი არის 100%-ით თავისუფალი არსება და თავისი სხეული “სრულად” ეკუთვნის მაშინ, როცა:
აბსოლუტურად მართავს გონებას და ყოველ ქცევა / მოქმედებას.
აბსოლუტურად აცნობიერებს მის ყოველ ქცევა / მოქმედებას.
მისი სხეულის მოვლას არ ავალდებულებს მთავრობას (ფინანსების გამოყოფით).
აი, ახლა კი პასუხი ამ სისულელეზე, ვითომ “თავისუფლებაზე”:
ნარკო / ალკო/ თამბაქო და სხვა მავნე დამოკიდებულებით ადამიანი, როცა თავის სხეულს “განზრახ – გამიზნულად” აზიანებს და ავადდება მრავალი სახის მძიმე დაავადებით, ის ჯანმრთელობის მკურნალობის დაფინანსებას “მოთხოვნის სახით” სთხოვს სახელმწიფოს და რითიც ფინანსდება, ეს თანხა არის თითოეული მოქალაქის გადასახადები!
როცა ადამიანი უარს ამბობს ვაქცინაციაზე, როცა თავის სხეულს “განზრახ – გამიზნულად” არ იცავს და ავადდება კოვიდით და ასევე მრავალი სახის მძიმე პოსტკოვიდური დაავადებით, ის ჯანმრთელობის მკურნალობის დაფინანსებას “მოთხოვნის სახით” სთხოვს სახელმწიფოს და რითიც ფინანსდება, ეს თანხა არის თითოეული მოქალაქის გადასახადები!
როცა ადამიანი სხეულს განზრახ / გააზრეულად / გამიზნულად იზიანებს და სხეულის დაავადების დროს სახელმწიფოს დახმარებას არ სთხოვს, ეს ადამიანი ყოველ მხრივ არის 100%-ით თავისუფალი!
დასკვნა: ვინც არ აიცრა, არ უნდა დაფინანსდეს სახელმწიფოსგან კოვიდი/პოსტკოვიდური დაავადებების სამკურნალოდ!
აირჩიეთ თავისუფლება!
უაზრო კომენტარების წერას გირჩევთ, თავიდან წაიკითხოთ ეს პოსტი!
ჯანმრთელობას გისურვებთ…” – წერს ფხაკაძე