“ჩემს ქვეყნას არ აქვს ვინმეს აბუჩად ასაგდები არც დროშა, არც ჰიმნი, არც გერბი, არც კონსტიტუცია და არც ციხეში მოსაკლავი პრეზიდენტი!” – გიგა მაქარაშვილი

სამოქალაქო აქტივისტი, გიგა მაქარაშვილი სოციალურ ქსელში პოსტს აქვეყნებს და ქვეყანაში არსებულ პოლიტიკურ ვითარებას ეხმაურება.

“40 წლის წინ, ვაშინგტონში ამერიკის პრეზიდენტი დაჭრეს.

საოპერაციოში შეყვანამდე რესპუბლიკელმა რეიგანმა ექიმს ხუმრობით კითხა, ხომ რესპუბლიკელი ხართ თქვენცო?
10 თაობის დემოკრატების ოჯახის წარმომადგენელმა ექიმმა იმავე წამს უპასუხა:
“დღეს მთელი ქვეყანა რესპუბლიკელია პრეზიდენტო, ყველაფერი კარგად იქნება!”
ჩემს ქვეყნას არ აქვს ვინმეს აბუჩად ასაგდები არც დროშა, არც ჰიმნი, არც გერბი, არც კონსტიტუცია და არც ციხეში მოსაკლავი პრეზიდენტი!
ბეწვის ხიდზე გავდივართ, ძალიან წვრილ ბეწვის ხიდზე!” – წერს მაქარაშვილი