“ბოლო ამოსუნთქვამდე მეუბნებოდა, რომ არ ეშინოდა, იმქვეყნიურს ყველაფერს ხედავდა” – ბერი ანდრიას დედა

ბერი ანდრიას დედა, თინათინ ჩხვიმიანი “ღამის პრაიმთაიმს“ ესტუმრა, სადაც შვილის შვილის უკანასკნელ წუთებზე ისაუბრა.

“ჩემი შვილი იმქვეყნიურს ყველაფერს ხედავდა, მე ერთი მომენტი ვიფიქრე, რომ ამით ჩემი შვილი მამხნევებს, მაგრამ ბოლო ამოსუნთქვამდე, რომ ვეკითხებოდი, ხომ არ გეშინია, გაღიმებული მეუბნებოდა, არა დედა. აი ამ შეხვედრის მოლოდინის იმედი მე ძალიან მახარებს და იმქვეყნიური სამყარო ნამდვილად არსებობს“ – აცხადებს ანდრიას დედა.

შეგახსენებთ, რომ 11 წლის წინ, 28 ივლისს, 17 წლის ასაკში აღესრულა ბერი ანდრია, რომელიც იშვიათ სენს ებრძოდა. ის უკვე საწოლს იყო მიჯაჭვული, როდესაც უწმინდესის კურთხევით ბერად აღკვეცეს.