ჟურნალისტი, ნინო ჟვანია სოციალურ ქსელში პოსტს აქვეყნებს და ვაკის პარკის ტრაგედიას გადარჩენილი ბავშვის ირგვლივ დატრიალებულ სკანდალს ეხმაურება. ის წერს, რომ გასაკიცხები მოზარდის მშობლები არიან.
“რაღაცნაირი სახელები ქვიათ ამ ბავშვებს, განსაკუთრებულად ლამაზი. მარიტა. ლაზარე. ამბავიც ისეთი ტრაგიკულია წიგნში წაკითხულს უფრო გავს ვიდრე ნამდვილს.დღემდე ერთი პატარა გმირი გოგოს ტრაგიკული ისტორია იყო ეს. ახლა კი უფროსების სიბეცის, სიხარბის და უსინდისობის გამო მეორე ბავშვია ხალხის სამსჯავროზე გამოყვანილი.
მშობლები გაკიცხეთ არაჯანსაღი ამბიციის, მერკანტილური აზრების და მონური ფსიქოლოგიის გამო. რომ შვილი გაიმეტეს და უფროსების ბინძურ თამაშებში იარაღად აქციეს. უფლება მისცეს რაღაც გეგმის ნაწილი გამხდარიყო. ბავშვზე ნუ ამბობთ რა ნურაფერს. მაგხელა მყავს და ზუსტად ვიცი, ასეთ ამბებში ჯერ ჭკუა არ მოეკითხებათ. ჯერ გლოვა არ იციან და მეგობრის დატირება. რაც გამოიარა თვითონაც რამხელა სტრესშია. ნუ სთხოვთ რომ რამეს ხვდებოდეს. მშობელია ამ ასაკში ჯერ კიდევ მისი დამრიგებელი და გეზის მიმცემი. მშობლები და მერი ყავს ბეცი. მათი შეცდომაა. ბავშვს შეეშვით” – წერს ჟვანია.
173 ნახვა
