“რომ გავიღვიძებ, მარიტა დავხატოთ, დე…” – თათია შარანგიას ემოციური დიალოგი შვილთან

ტელეწამყვანი თათია შარანგია 13 წლის მარიტა მეფარიშვილის გარდაცვალებასთან დაკავშირებით ემოციურ პოსტს აქვეყნებს რომელსაც უცვლელად გთავაზობთ:

“ვაძინებ ანდრუშას და მეუბნება:
-დედა, იცი მე მარიტაზე გუშინ, ბევრი ვიტირე…
-მართლა დედი? (არ ვიცი, თავად როგორ დავმალო ცრემლები)
-რატომ გარდაიცვალა?
-სხვების გადარჩენა უნდოდა, მეგობრების გადარჩენა და დენმა დაარტყა… -ვეუბნები მე
-რა ლამაზი იყო ხო? -მეუბნება (მე ვცდილობ არ შევიმჩნიო, რომ ყელში ბურთი მაქვს გაჩხერილი)
-ძალიან… ღვთაებრივად
-შეიძლება ფოტო მანახო?
-არ მაქვს დე… (მეშინია, ემოციურია და ზედმეტად მძიმედ არ იმოქმედოს ამ
ტრაგიკულმა ფაქტმა)
-მაშინ რომ გავიღვიძებთ მარიტა დავხატოთ… – მითხრა და ამომხედა სევდიანი თვალებით….
აი აქ, მართლა ვერ შევიკავე ცრემლები… ყველა ბავშვი დახატავს მარიტას, ყველა ზრდასრული ვილოცებთ მის ლამაზ სულზე და ვიამაყებთ ასეთი უნიკალური, მამაცი, უშიშარი, შეუპოვარი გოგოთი… მის მშობლებს ვუსურვებ გამძლეობას, თავისი მფარველი ანგელოზის სახელით შეძლონ და ბევრი სიკეთე აკეთონ, ისეთივე ნათელი საქმეები როგორი ნათელი სახელიც პატარა მარიტამ დაგვიტოვა….  არ ვიცი, არ ვიცი როგორ გაუძლოს გულმა ამ საშინელ ტრაგედიას…” – წერს თათია შარანგია