ნიტა ფაცაციას დედა მარიკო სადრაძე სოციალურ ქსელში თბილისის მერზე, კახი კალაძეზე პოსტს აზიარებს:
”მახსოვს 13 ივნისის ტრაგედიის დროს როგორ იდგა ხალხთან ერთად ”ვალინკებით” და როგორ ებრძოდა სტიქიას. მახსოვს როგორ განიცდიდა პატარა ბიჭის ტკივილს, უსახლოდ რომ დარჩა და მერე როგორი სიხარული აჩუქა, როდესაც საკუთარი სახსრებით ბინა შეუძინა.
ვიცი, რომ არასოდეს იღებდა და არ იღებს ხელფასს და მთელი მისი ანაზღაურება საქველმოქმედო ფონდებში მიდის. ვიცი, რომ ძირითადად ბავშვებს ეხმარება, არაერთი ადამიანისაგან გამიგონია, რომ კახიმ ვიღაცას ბინა უყიდა, ვიღაც სიკვდილისგან იხსნა, ვიღაცას ძვირადღირებული მკურნალობა დაუფინანსა.
ისიც მახსოვს მთელი ქვეყნის გოგო ანიტასთვის როგორ იბრძოდა… ჰო, საკუთარი ფინანსებით აკეთებდა და აკეთებს ამას და არა ბიუჯეტის ფულით!
ერთი რამ ზუსტად ვიცი: კახა კალაძის გადადგომაზე საუბარი უსინდისობაა! ჩემი მხარდაჭერა ამ ძალიან მაგარ ადამიანს, რომელსაც საკუთარ ქველმოქმედებაზე: აგებულ ტაძრებზე, დაფინანსებულ ფილმებზე, ნაყიდ ბინებზე – არასოდეს უსაუბრია!!!”…” – წერს მარიკო სადრაძე
შეგახსენებთ, რომ 13 ოქტომბერს, თბილისში, ვაკის პარკის შადრევანში ჩავარდნილი ბურთის ამოსაღებად ჩასულ 3 ბავშვს დენმა დაარტყა, მათგან ერთი, 13 წლის მარიტა მეფარიშვილი, გარდაიცვალა.
მარიტა დღეს, 15 ოქტომბერს დაკრძალეს.
112 ნახვა
