ამერიკაში მცხოვრები მსახიობი, იუნა შაფათავა სოციალურ ქსელში პოსტს აქვეყნებს და ქართულ საზოგადოებაში მიღებულ სტერეოტიპებზე საუბრობს:
“მინდა გაცინოთ ქართულ საზოგადოებაში მიღებულ არასწორ არქაულ სტერეოტიპებზე. მოკლედ, ინდოეთი რომ მიყვარს ხომ იცით, განსაკუთრებულად, თან ბოლივუდის მუსიკალური კლიპის შემდეგ, რომ ვითამაშე, თამარ ივერმა რომ პორნოგრაფია დააბრალა და იმ ისტორიულ მუსიკალურ ვიდეოს ალი ფაზალთან ერთად მილიონობით ნახვა რომ აქვს, მას შემდეგ, ხომ საერთოდ.
გუშინ წინ ვმუშაობდი და რომ მოვრჩი, ყავის დასალევ ადგილს ვეძებდი და გადავაწყდი ხნით ხელების და ფეხების მოხატვას. რატომღაც აქამდე არ მიცდია და გავიკეთე ჯერ ხელზე, მერე ფეხზეც, სამაჯურად. ამ წლამდე დრო არ მქონია, წესიერად ცხოვრებისთვის.
მეორე დღეს ისევ ვმუშაობდი და თანამშრომელი ინდოელი იყო, როგორ მიყვარს ინდოეთი და თქვენი კულტურა, ვგიჟდები მეთქი! ხოო, შევამჩნიე, ხელზე ხნა და სად გაიკეთე, მინდოდა მეკითხაო? კაცია, თან, ფსიქოლოგიის დოქტორი, ექიმია, მენტალურ დაავადებათა ცენტრია და ვუთხარი…
დღეს ფილადელფიაში სასამართლოში ვმუშაობდი და მოსამართლის გვერდით, მარცხენა მხარეს ვიჯექი, მარჯვნიდან შემომხედა ხელზე, ჩემი მარჯვენა ხელია მოხატული- გაიღიმა, მიცნობს გვიმუშავია ერთად, აქამდე ეს არ მქონია, ვიჭორავეთ ცოტა და მოვუყევი ეს ამბავი, ქვემოთ რასაც ვწერ, სიცილად არ ეყო.
ჩემ დას, დეას, თბილისში, წლების წინ, მაშა სადღაც გამოფენაზე ჰყავდა, და დეამ ხელი მოიხატა ხნით და ქართუში რომ მივიდა, სადაც ოფისი ჰქონდა, ქართუ ბანკის დირექტორმა, ტვ პირველზე ინტელექტ და პრ კულტურა გაბრწყინებულმა ნატო ხაინდრავამ კოჭები შეიკრა და მკაცრად უბრძანა: არავის უთხრა, ქართუში რომ მუშაობ!!!
დეა მაშინ იყო შოკში, მე კი გამეცინა- გეგონება, ნახევარი საქართველო დეას არ დასდევდა, არ იცოდნენ, ვისთან მუშაობდა, ნატომ რომ მისი ‘უფროსობა’ შეიფერა და სრულ დისკრიმინაციას უწევდა, როცა მოეპრიანებოდა და საჭიროდ ჩათვლიდა. სხვაობა მენტალობაში და დონეში…
რომ კითხულობთ, გოიმობა რას ნიშნავს, გპასუხობთ: როცა ხარ იქ, სადაც არ გეკუთვნის და მწირი ინტელექტუალური რესურსით (თუ რესურსის არ ქონით) შეუფერებლად იქცევი.
ამ შემთხვევაში არ გეკუთვნის, მაგრამ ავრორამ გაისროლა სოლოლაკის მთაზე შენთვის და ვისი გშურდა, ვერ ეწეოდი და ვერ დაეწევი, შენს ხელმწიფესთან ნონ- გრატად მყოფ ახალგაზრდა ლამაზ ჭკვიან ქალს მაზოლიან ფეხს აჭერ და გგონია, სულ ასე გაგივა. არა ბატონო… მსოფლიო არ იწყება და არ მთავრდება ერთდღიანი კონფორმისტებით.
არადა ნატოს არაფერს ვერჩი. მახსოვს, ფეშნვიქზე მოსაწვევები მიიღო ქართუმ და ეხამუშებოდათ წასვლა, კალოშს შეჩვეული ხალხი ცოტა ‘მოფეშენო’ პონტში თავს უხერხულად გრძნობდა და დეას მისცა- აჰა, იუნას მიეცი, თვალებიც დაეფსოთ, იუნას იქ არ გაუჭირდება ყოფნა!
ისე კი ბო*ად ვითვლებოდი, ვარცხვენდი ქართუს და ჩრდილს ვაყენებდი გოიმთა ასრულებული ოცნების შეულახავ იმიჯს. იქნები ბატონო ჩემთან ტკბილი, მეც ტკბილად მოგექცევი.. შეჭამ ნეხვს და პარდონ, უარესს გაჭმევ, ომი ომია, ვინც მოიგებს, იმისია, მოგებულს არ განიკითხავენ გამარჯვების მეთოდებში.
მომწონს ძალიან, მე ტატუების მომხრე არ ვარ, მაგრამ ისე მომწონს, შეიძლება ტატუდ ვაქციო, უბრალოდ გადაღებებზე დროს წაიღებს, მისი დაფარვა და ვფიქრობ, რა ვქნა” – წერს შაფათავა
87 ნახვა
