“ეს ბავშვი გუშინ აქციაზე იყო და ომს აპროტესტებდა” – რა შეემთხვა უკრაინელ ბიჭუნას, რომელიც დროშით დარბოდა

ჟურნალისტი, ვიკა ბუკია სოციალურ ქსელში პოსტს აქვეყნებს და უკრაინელ ბიჭუნაზე ინსტორიას ჰყვება:

“ჩემი გმირი, უკრაინის მცველი. აქციაზე იყო გუშინ, დროშას აფრიალებდა, მიკროფონით დარბოდა, მღეროდა განწირული ხმით, ცეკვავდა და ერთი ადგილიდან მეორეს აწყდებოდა. იმდენი აპროტესტა სანამ რომელიღაცა ტელევიზიის შტატივს არ შეასკდა თავით. გააქანეს და სამი ნაკერიც დაადეს. პირველივე უკრაინული სოფლის დეოკუპაციამდე მოურჩება, რომელიც დარწმუნებული ვარ უახლოეს საათებში გველის, ჰოდა პირველივე გამარჯვება და დროშის ფრილი – ბუბის ეძღვნება. ახლა გაიღვიძა და იტირა უკრაინა მინდაო. ვიფიქრე ტვინის შერყევააა. თურმე დროშას მთხოვს. მივუტანე და კმაყოფილმა გააგრძელა ძილი. მართლა ძალიან საყვარელია ეს ბავშვი.” – წერს ბუკია