„ნაპოლიმ“ შესაძლოა, ხვიჩა კვარაცხელია კვირას, 9 ოქტომბერს „კრემონეზესთან“ მატჩში არ ათამაშოს – ინფორმაციას CalcioNapoli24 ავრცელებს.
გამოცემის ცნობით, ჩემპიონთა ლიგაზე „აიაქსთან“ მატჩის შემდეგ კვარაცხელია გასახდელიდან კოჭლობით გამოვიდა და ფეხზე სახვევი ეკეთა.
ქართველი ფეხბურთელის ჯანმრთელობის მდგომარეობაზე უცხოურმა გამოცემამ Corriere Dello Sport-მაც დაწერა. მათი ინფორმაციით, ხვიჩას მდგომარეობა შემაშფოთებელი არაა, თუმცა, ის დამატებით სამედიცინო გამოკვლევას საჭიროებს, სამწვრთნელო შტაბი კი ექიმების დასკვნის შესაბამისად იმოქმედებს.