ბოლნისის მუნიციპალიტეტის სოფელ მუშევანთან სპეც დანიშნულების რაზმია მობილიზებული. ინფორმაციას ამის შესახებ “ინფო რუსთავი” ავრცელებს.
ადგილზე ასევე იმყოფება პოლიციისა და სასწრაფო სამედიცინო დახმარების რამდენიმე ეკიპაჟი.
ჩვენი ინფორმაციით, სოფლიდან სამართალდამცავებსა და სასწრაფოს კორონავირუსით ინფიცირებულების გამოყვანა სურთ.
ადგილზე მიმდინარეობს მოლაპარაკებები, ჩართული არიან ადგილობრივი მუნიციპალიტეტის წარმომადგენლები, ბოლნისის მერი, ასევე მაჟორიტარი დეპუტატი.
შეგახსენებთ, გუშინ “ინფო რუსთავმა” გაავცელა ინფორმაცია, რომ ერთ-ერთ ოჯახში, სადაც 10-მდე კორონავირუსით ინფიცირებული იყო, მისულ სასწრაფო სამედიცინო დახმარების ეკიპაჟს პაციენტები არ გამოატანეს.