უკრაინაში მებრძოლი ქართველი ლადო გამსახურდია სოციალურ ქსელში პოსტს აქვეყნებს. ის საზოგადოებას და მეგობრებს მიმართავს და მადლობას უხდის.
“არ აქვს მნიშვნელობა რა მომივა მე და რაცარუნდა ცუდი გაიგოთ ჩემზე მონაჭორი, ან უცნაურად დასრულდეს თუნდაც ჩემი სიცოცხლეც კი, რაც ჩემს სახელის გატეხვაზე იმუშავებს, მინდა ყველა ჩემმა მეგობარმა იცოდეთ, რომ მე 100%-ით ვიცი ჩემი ცხოვრების გზა თუ რისთვის ვარსებობ და რა უნდა ვაკეთო მთელი ჩემი სიცოცხლის ბოლო წუთამდე.
ვემსახურები მშვიდობაშიც და ომშიც ერთადერთ იდეოლოგიას სამშობლოს/კავკასიის თავისუფლებას, კავკასიელი ერების კეთილდღეობას!
ვიბრძვი ჩვენს თანამოაზრეებთან ერთად ამ იდეოლოგიის ფრთების შესასხმელად.
მივიწევთ კუს ნაბიჯებით წინ და სიცოცხლესაც კი ვაგდებთ საფრთხის ქვეშ, ოღონდ რამეთი ვარგოთ სამშობლოს!
ძალიან მინდა ერთი რამ დაიმახსოვროთ: რაცარუნდა უცნაურობა მოხდეს არასოდეს დაიჯეროთ ჩემზე და ჩვენზე ცუდი.
მტერი ბევრი ჰყავს იდეოლოგიას: ზოგი უგნურობით, ზოგი ბოღმით და ზოგიც გამიზნულად დაგვიწყებს ხელის შეშლას, მაგრამ ჩვენ არ ვცდებით! ჩვენ ვართ ის ადამიანები, რომლებსაც კარგად და ზედმიწევნით გვაქვს გაცნობიერებული საქართველოს ჭეშმარიტი მისია!
“მრგვალი მაგიდა თავისუფალი კავკასია” და მისი სამხედრო ფრთა უკრაინაში “კავკასიის ლეგიონი” არის გაგრძელება ჩვენი დიდი წინაპრების საქმის, ვინც მოგვიტანა სამშობლო საქართველო დღემდე!
ჩვენი გზა არის გზა ილია ჭავჭავაძის, გზა მერაბ კოსტავასი, გზა ჯოხარ დუდაევის და გზა ზვიად გამსახურდიასი!
ჩვენი სახით ცოცხლობენ ისინი ვინც თავი გასწირა საქართველოს და კავკასიის კეთილდღეობისთვის!
ჩვენი ღალატი სამშობლოს ღალატია!
მე არაფერს არ ვაჭარბებ, ისტორია დაალაგებს ყველაფერს თავის ადგილას!
შესაძლოა ჩვენი მოქმედება არ არის საკმარისი დღეს, მაგრამ ვიმედოვნებთ, რომ საბოლოოდ შევძლებთ დაგანახოთ ჭეშმარიტად სწორი გზა და მისია საქართველოსი,რაც ერთადერთი შუქია ბნელი გვირაბის ბოლოს!
დარწმუნებული ვარ ჩვენი თითოეული წარმატებული ნაბიჯით ამ იდეის ირგვლივ ხარობს ზეციური საქართველო და მომავალში გავიხარებთ ჩვენც!”, – წერს გამსახურდია 3 აგვისტოს გამოქვეყნებულ პოსტში.
434 ნახვა
