ლტოლვილთა და განსახლების ყოფილი მინისტრი კობა სუბელიანი, რომელიც ამჟამად აშშ-ში ცხოვრობს იმ ადამიანებს მიმართავს, რომლებიც ემიგრაციაში წასვლას გეგმავენ. მისი თქმით, ეს რთული გზაა და კარგად უნდა ჰქონდეთ გააზრებული, უღირთ თუ არა საყვარელი ადამიანებისგან შორს ყოფნა.
“მე პირადად, მირჩევნია საქართველოში ამის ნახევარს, ამის მეოთხედს ვშოულობდე და თუნდაც, თვიდან თვემდე თავი ძლივს მიმქონდეს, ვიდრე, აქ რასაც ვშოულობ და როგორც ვარ. ერთხელ ვცხოვრობთ, ხომ? აქ წლობით ერთმანეთს ვერ ვნახულობთ ახლობლები. გააჩნია, ცხოვრებას როგორ უყურებს ადამიანი – თუ ადამიანი მარტოსულია და თავისთვის ბედნიერად გრძნობს თავს, ხო, მაგრამ ჩვენ მაინც სოციალური არსებები ვართ, გვინდა ერთმანეთთან ურთიერთობა, ამას მოკლებული ვართ აქ… მე მირჩევნია ჩემს ქვეყანაში, ჩემს მეგობრებთან… მენატრაბა სიგიჟემდე, სიზმარში ვნახულობ ამ ადამიანებს და რომ გაიღვიძებ და აღმოაჩენ, ისევ აქახარ, წარმოიდგინეთ, ეს რამხელა სტრესი და დეპრესიაა.
ამიტომ ვეუბნები მათ, ვინც წამოსვლას აპირებს – არ არის იოლი. არ გაშინებთ, ვისაც გადაწყვეტილი გაქვს, წამოდით და შეძლებთ, მე თუ შევძელი, თქვენ როგორ ვერ შეძლებთ, ჩემზე ბევრად მაგრაბი ხართ ახალგაზრდებიც და “ძველგაზრდებიც”, მაგრამ, თუ არის იმის საშუალება, რომ გაუძლო ამ გაჭირვებას, იმის მოლოდინით, რომ ჩვენს ქვეყანას რამე ეშველება… აუცილებლად ეშველება, ეს რომ არ მჯეროდეს, ხელს ჩავიქნევდი ალბათ ყველაფერზე”, – ამბობს სუბელიანი “მთავარის ეთერში”.
625 ნახვა
