გაერთიანებული სამეფო დედოფალ ელისაბედ II-ს გარდაცვალებას გლოვობს. ადგილობრივების მტკიცებით, დედოფლის გარდაცვალების შემდეგ გავრცელებული ცნობიდან მალევე, ბრიტანეთის ქალაქებში ოქროსფერი ღრუბლის სახით, მისი სახე გამოისახა.
მაგალითისთვის, ბრიტანელმა ლინ ბეტელმა ტელფორდში აღბეჭდა ცაზე მსგავსი გამოსახულება.
“სახლში ვბრუნდებოდით მას შემდეგ, რაც დედოფლის გარდაცვალების შესახებ გავიგეთ და ჩემმა 11 წლის ქალიშვილმა განუწყვეტელი ყვირილი მორთო, შემდეგ კი ცისკენ მიმითითა და მითხრა – დედა, ეს დედოფალიაო. ამიტომ, მანქანა გავაჩერე და რამდენიმე ფოტო გადავიღე”, – იხსენებს ბრიტანელი ქალი.
მსგავს ფოტოებს ავრცელებენ ბრიტანეთის სხვა მაცხოვრებლებიც.
10 ნახვა
