სოციალურ ქსელში ქართული ლეგიონის მექანიზირებული ასეულისა და უცხოელი თანამებრძოლების საერთო ფოტო ვრცელდება.
აღნიშნულს უკრაინაში მებრძოლი, ქართველი თორნიკე გოგუაძე გამოეხმაურა.
გოგუაძე წერს, რომ აღნიშნულ ფოტოზე ზოგი ცოცხალი უკვე აღარც არის.
“ფეისბუქზე ვრცელდება ქართული ლეგიონის მექანიზირებული ასეულისა და ჩვენი უცხოელი თანამებრძოლების საერთო ფოტო
ეს ის მომენტია როცა ლისიჩანსკის აღებამდე დღეებია დარჩენილი და ჩვენს ასეულს ქალაქის დაცვის პირველ ხაზზე გზავნიან
მათზე აღბეჭდილთაგან ზოგი უკვე ცოცხალიც აღარ არის
ფოტოს ნახვისას ის ემოციები გამახსენდა რაც იმ დღეს გვქონდა და
მოგონებებმა დამასევდიანა.
ერთი კითხვა მიღრღნის გულს ყოველთვის
რატომ ისინი და არა ჩვენ
ან რატომ ის და არა მე
თუ ოდესმე ჭკუიდან შევიშლები ამ კითხვაზე პასუხის ძიება იქნება მიზეზი
და ყველაზე ტრაგიკული ან ადამიანური
ან იქნებ არაადამიანურიც ამ ყველაფერში იცით რა არის ?
როცა ფოტოებს ვიღებდით ზუსტად ვიცოდი რომ შეუძლებელია წახვიდე პირველ ხაზზე ასზე მეტ ადამიანთან ერთად და გამოხვიდე მსხვერპლის გარეშე და ფიქრობ შენთვის, თვალებს აცეცებ და ეძებ გარდაუვალ მსხვერპლს
ეკითხები საკუთარ თავს ვინ იქნება ის,
ვინ იქნებიან ისინი ? იქნებ შენ ხარ ? ან იქნებ ის ახლა რომ იღიმის
და ეს ფიქრი გაგიჟებს და გძულს ყველა ვინც ომით გადაწყვიტა საქმეების მოგვარება
და გძულს ყველა ვის გამოც ადამიანის მოკვლა გიწევს/მოგიწევს.” წერს ქართველი მებრძოლი.