ხაშურელი მილიონერის, დეპუტატ ზაალ დუგლაძის უფროს ქალიშვილს ქორწილი ჰქონდა. მარიამ დუგლაძისა და ნიკოლოზ კიკნაძის წყვილმა ჯვარი თბილისში ქაშვეთის ეკლესიაში დაიწერა, ქორწილმა კი ყვარელში, სასტუმრო ლოპოტაზე გადაინაცვლა. საღამოს უამრავი ადამიანი სტუმრობდა, მათ შორის პარლამენტარი ვიქტორ სანიკიძე მეუღლესთან ერთად… ნეფის მეგობრები აღმოჩნდნენ ნინო ბურჯანაძის ვაჟები, ანზორიკო და რეზიკო ბიწაძეები..
საღამოზე მილიონერმა დეპუტატმა პატარძალთან ერთად იცეკვა, რასაც საზოგადოების მხრიდან აპლოდისმენტები მოჰყვა.
ზაალ დუგლაძე ბოლო მოწვევის პარლამენტარია და რაიონულ მედიაში, ვალერი გელაშვილთან ერთად ხაშურელ ოლიგარქადაც მოიხსენიებენ.
დეკლარაციიდან ირკვევა, რომ 2021 წელს დეპოზიტზე ჰქონდა 380 000 დოლარი და 170 000 ლარი, ხოლო დამატებით, შემოსავლის სახით მიიღო 350 000 ლარი.
2020 წლის საპარლამენტო არჩევნებზე მეწარმე ზაზა დუგლაძე, „ქართულმა ოცნებამ“ ხაშურისა და ქარელის ოლქში მაჟორიტარ კანდიდატად წარადგინა. დუგლაძე ბიძინა ივანიშვილის ძმა ალექსანდრე ივანიშვილთან ერთად არის შპს დუგლაძეების ღვინის კომპანიის მეწილეა.
წყარო: ambebi.ge