რამდენიმე დღის წინ სიღნაღის მუნიციპალიტეტის სოფელ ბოდბეში ქმარმა ცოლი დაჭრა.
ცოლის მკვლელობის მცდელობისთვის დაკავებული შმაგი ხუნაშვილია. მას სასამართლომ აღკვეთ ღონისძიებად პატიმრობა შეუფარდა.
თავში მძიმედ დაჭრილ 27 წლის ქალი, მარიამ აბაზაძე კომაში იმყოფება და სასწრაფოდ სისხლი სჭირდება.
მარიამის და, ელენე აბაზაძე, „პრაიმ ტაიმთან“ საუბარში ამბობს, რომ ექიმები ჯერჯერობით პროგნოზს ვერ აკეთებენ.
„მძიმედ არის, კომაშია. ექიმები ჯერ ვერაფერს გვეუბნებიან. ნებისმიერი ჯგუფის სისხლი გამოდგება, მისი სიცოცხლის შესანარჩუნებლად. ინგოროყვას საუნივერსიტეტო კლინიკაში ვართ და აქვე შეიძლება სისხლის ჩაბარებაც“, – განაცხადა ელენე აბაზაძემ.
დაჭრის ფაქტი, სიღნაღის მუნიციპალიტეტის სოფელ ბოდბეში, 4 სექტემბერს მოხდა.
ახალგაზრდა ქალის მკვლელობის მცდელობის ბრალდებით, მისი მეუღლე, შალვა ხუნაშვილია დაკავებული.
გამოძიების მტკიცებით, მარიამ აბაზაძეს, ურთიერთშელაპარაკების ნიადაგზე, ქმარმა ესროლა.
გამოძიება მომხდარ ფაქტზე, სისხლის სამართლის კოდექსის 11, 19, 109- ე მუხლით დაიწყო.
მამაკაცს აღკვეთის ღონისძიების სახით, სიღნაღის რაიონულმა სასამართლომ, პატიმრობა შეუფარდა.
თავად ბრალდებულმა, დანაშაული არ აღიარა.
წინასასამართლო სხდომა საქმეზე, 31 ოქტომბერს ჩაინიშნა.