ცოტა ხნის წინ სოციალურ ქსელში ახალგაზრდა ქალის მოულოდნელი გარდაცვალების შესახებ ინფორმაცია გავრცელდა. ერთ-ერთი სამოგზაურო კომპანიის მფლობელისა და მხატვრის, 31 წლის ლიკა დილევსკაიას გარდაცვალების მიზეზად ახლობლები თრომბო ემბოლიას ასახელებდნენ.
მოგვიანებით კი ლიკას ახლობლებმა განაცხადეს, რომ გარდაცვლილი ქალი ყოფილი ქმრის გიორგი ახვლედიანის ტერორის მსხვერპლი იყო.
აღნიშნულს საკითხს ყოფილი პირველი ლედი მაკა ჩიჩუა გამოეხმაურა:
მაკა ჩიჩუა:
„ეს მოძალადე (გიორგი ახვლედიანი ) რომელმაც ჩვენი ახლობელის, თავისი ყოფილი ცოლის ლიკა დილევსკაიას მიმართ არაერთხელ განახორციელა ფიზიკური, მორალური თუ ფსიქიკური ძალადობა ვადასტურებ, რომ მეტად საშიშია საზოგადოებისთვის. ლიკა დილევსკაია – გიორგის ყოფილი მეუღლე რამდენიმე დღის წინ გარდაიცვალა… მას ჯანმრთელობის პრობლემები ჰქონდა, რაც ყოფილ ქმართან ურთიერთობისას ბევრად გაუუარესდა. ლიკამ როგორც კი გაბედა და წნეხის მიუხედავად ქმრისგან წამოვიდა, მას მერეც მისი უკვე ყოფილი მეუღლე მუდმივ ტერორში ამყოფებდა ..ერთხელ, ღამის საათებში, როცა ყველას ეძინა, მალულად შეიჭრა ლიკას მშობლების სახლში და ლიკას უმცროსი დის სიცოცხლის მოსპობით აშანტაჟებდა თუ ის სახლში არ დაბრუნდებოდა მასთან ერთად. ცივი იარაღის(დანის) საშუალებით მოახერხა და ყოფილი მეუღლე სახლიდან გაიტაცა. ის აუცილებლად გააგრძელებს და ვერაფერი შეაჩერებს თუ სამართალდამცავების მხრიდან არ მოჰყვება შესაბამისი რეაგირება..ასეთი ადამიანების საზოგადოებისგან იზოლირება აუცილებელია” – წერს ჩიჩუა სოციალურ ქსელში
აღნიშნული აქტი დაადასტურა მსახიობმა მარიშკა ავახიძემ:
„ვადასტურებ! მოწმე ვარ ამ უზარმაზარი უსამართლობის და ბრაზი მახრჩობს. სადღაც თუ არსებობს სამართალი, ამდენი ბოროტება არ შერჩება!“ – წერს მსახიობი.
არსებული ინფორმაციით, მეუღლეზე ძალადობის ბრალდებით, გიორგი ახვლედიანი ნასამართლევია. მან 3-წლიანი პატიმრობა მოიხადა.