თურქეთში საქართველოს საელჩო სპეციალურ განცხადებას ავრცელებს და ქვეყანაში მყოფ საქართველოს მოქალაქეებს მიმართავს.
„კორონავირუსის გავრცელების პრევენციის მიზნით, თურქეთის შემდეგ 14 ქალაქში გამოცხადდა კარანტინი: რიზე, ვანი, იოზგათი, მალათია, თუნჯელი, ართვინი, გუმუშჰანე, ქუთაჰია, ჩანქირი, სივასი, გირესუნი, ჩანაქქალე, ჩორუმი და დუზჯე“, – აღნიშნულია საელჩოს განცხადებაში.
ბოლო მონაცემებით, თურქეთში კორონავირუსის 9217 შემთხვევა დაფიქსირდა, აქედან 131 ადამიანი გარდაიცვალა, 105 კი განიკურნა.
შეგახსენებთ, რომ ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.