პანდემიის ხანგრძლივობა დამოკიდებულია, თუ რამდენად სწრაფად შეძლებენ მეცნიერები ახალი კორონავირუსის საწინააღმდეგო ვაქცინის, ან სამკურნალო პრეპარატის შექმნას. წინასწარმა კლინიკურმა კვლევებმა ცხადყო, რომ გასული საუკუნის ოციან წლებში შექმნილმა ვაქცინამ რომელიც ტუბერკულოზის წინააღმდეგ გამოიგონეს, შეუძლია covid-19-ის წინააღმდეგ სასიცოცხლო დაცვა უზრუნველყოს. ინფორმაციას ამის შესახებ neuros cience news ავრცელებს.
გამოცემის ცნობით, კარგად ცნობილი ვაქცინა, ე.წ. ბეცეჟე, რომელსაც ბავშვებში დღესაც აქტიურად იყენებენ, covid-19-ის საწინააღმდეგო ვაქცინის გამოგონებამდე, შესაძლოა, წარმატებით იქნას გამოყენებული დაავადების პრევენციისთვის.
france24 წერს, რომ ავსტრალიელი მკვლევარები დაჩქარებული ტემპებით ატარებენ ტესტირებას ადამიანებზე, რათა დაადგინონ, შეუძლია თუ არა ვაქცინას მედიცინის მუშაკებისა და ხანშიშესული ადამიანების დაცვა ახალი კორონავირუსისგან.
მელბურში, მერდოკის კვლევით ინსტიტუტში აცხადებენ, რომ ტესტები ტარდება მთელ ავსტრალიაში 4000-მდე მედიცინის მუშაკზე.
ანალოგიური ცდები ტარდება რამდენიმე სხვა ქვეყანაშიც, მათ შორის ნიდერლანდებში, გერმანიასა და დიდ ბრიტანეთში. ცხოველებზე ჩატარებულმა ცდებმა აჩვენა, რომ აღნიშნული აცრის შემდეგ, ახალი კორონავირუსი გაცილებით იოლ ფორმებში მიმდინარეობს და ლეტალურ შედეგს არ იწვევს.
აღსანიშნავია, რომ ე.წ. ბეცეჟე ყველაზე ფართოდ გამოიყენებოდა ყოფილ საბჭოთა კავშირში. არ არის გამორიცხული, სწორედ ეს იყოს მიზეზი, რომ ამ ტერიტორიაზე არსებულ ქვეყნებში (სსრკ-ში შემავალ ყოფილ რესპუბლიკებში) სწორედ ამიტომ არ შეინიშნება ახალი კორონავირუსის მწვავე აფეთქება, ისეთი, რასაც ადგილი აქვს ევროპასა და აშშ-ში. დღეს მსოფლიოში მილიონობით ბავშვს ცრიან „ბე ცე ჟეს“ შედარებით გაუმჯობესებულ ვარიანტით -VPM1002-ით. შესაძლოა, ბავშვების ორგანიზმის მდგრადობა ახალი კორონავირუსის მიმართ სწორედ ამით აიხსნება.
670 ნახვა
