პრორუსული და ჰომოფობიური დაჯგუფების ლიდერი ზურა მახარაძე სოციალურ ქსელში კრემლის იდეოლოგის ალექსანდრ დუგინის ქალიშვილის დარია დუგინას გარდაცვალებას ეხმაურება:
“ხშირად როდესაც საინფორმაციო ან იდეოლოგიურ ომზე საუბრობენ, ამას ომს უბრალოდ პირობითად არქმევენ. არადა ეს რეალური ომია. დისტანციურად მომიწია დარიას გაცნობა და მიმოწერაში მუდამ იგრძნობოდა რამდენად ჭკვიანი და გულღია ადამიანი იყო. ჩემი სამძიმარი ალექსანდრ გელევიჩ დუგინს. ღმერთმა ცათა სასუფეველი დაუმკვიდროს დარიას სულს”, – წერს მახარაძე.
ცნობისთვის, მოსკოვის გარეუბანში კრემლის იდეოლოგის, ალექსანდრ დუგინის ქალიშვილის, დარია დუგინის ავტომობილი აფეთქდა. ახალგაზრდა ქალი ადგილზე დაიღუპა.