ბოლნისში, მოსამართლე ნინო გიორგაძემ 13 წლის გოგონასთან სექსუალური კავშირის დამყარებაში ბრალდებული მამაკაცი 5 000-ლარიანი გირაოს სანაცვლოდ გაათავისუფლა.
რუსთავი2-ის ცნობით, გოგონას ოჯახმა სამართალდამცავებს მას შემდეგ მიმართა, რაც გოგონა გაუჩინარდა. არასრულწლოვანი ფურცელზე დაწერილი რამდენიმე სიტყვით ოჯახს ატყობინებდა, რომ სახლიდან სამუდამოდ წავიდა და შეყვარებულთან ერთად გაიქცა.
სკოლის მოსწავლის დაკარგვის შესახებ პოლიციაში მისმა ბიძამ განაცხადა. გამოძიება თავისუფლების უკანონო აღკვეთის მუხლით დაიწყო.
დაკარგულს პოლიციამ სხვა ქალაქში მიაკვლია. აღმოჩნდა რომ ის სახლში 18 წლის მამაკაცს, რომელიც გოგოს მხოლოდ რამდენჯერმე ჰყავდა ნანახი, ის ნათესავების სახლში წაიყვანა და მასთან სექსუალური კავშირი დაამყარა. ამის შემდეგ, უკვე აღძრული საქმე გადაკვალიფიცირდა და გამოძიებამ მამაკაცი თექვსმეტი წლის ასაკს მიუღწეველთან სექსუალური ხასიათის კავშირის დამყარებისთვის დააკავა.
ბოლნისის რაიონულმა სასამართლოში, აღმკვეთ ღონისძიებაზე მსჯელობისას მოსამართლემ დაცვის მხარის შუამდგომლობა გაითვალისწინა და სისხლის სამართლის საქმეში ბრალდებული მამაკაცი სასამართლო დარბაზიდან ხუთი ათას ლარიანი გირაოს სანაცვლოდ გაათავისუფლა.
მოსამართლის გადაწყვეტილებით უკმაყოფილო ბრალდების მხარემ სააპელაციო სასამართლოს უკვე მიმართა. საქმეზე შემდგომი პროცესი სექტემბრის ბოლოს ჩაინიშნა. დანაშაულის დამტკიცების შემთხვევაში დაკავებულს 7-დან 9 წლამდე პატიმრობა ემუქრება.