ქარელის მუნიციპალიტეტში, ავლევის მაცხოვრებლებმა სოფლის მიმდებარედ მინდორში ახალგაზრდა ქალის ცხედარი ნახეს. როგორც ირკვევა, გარდაცვლილია 30 წლის თინიკო ჩოჩნიძე, რომელიც მეგობარმა მამაკაცმა მოკლა. გარდაცვლილის მამის თქმით, ჩადენილი დანაშაულის შესახებ სოფლის მაცხოვრებლებს თავად ბრალდებულმა გაუმხილა.
“წავიდნენ გუშინ მაყვლის მოსაკრეფად და ასეთი ამბავი მოხდა. თვალიც დალურჯებული ჰქონდაო, ხელები სულ გაშავებული. თვითონ უთქვია ბიჭებისთვის და ტელეფონიც მიუცია… ჩემი შვილის გულისთვის ვიტანდი ყველაფერს, იქნებ გამოსწორდეს-თქო. სხვას არ უჯერებდა, იმას უფრო უჯერებდა”, – აცხადებს “ტვ მონიტორინგთან” საუბარში გარდაცვლილის მამა.
შიდა ქართლის პოლიციამ განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით დაიწყო. არსებული ცნობით, დანაშაულზე დაკავებულია 1988 წელს დაბადებული თ.კ.