ფიროსმანის ნახატი და კონტეინერებში შენახული რადიოაქტიური ნივთიერება – სუსმა ბრალდებულები აიყვანა.
აღნიშნულის შესახებ ინფორმაციას “რუსთავი 2” ავრცელებს.
მედიის ცნობით, სამი პირი, რომელიც რადიოაქტიური ნარჩენებისა და ნივთიერების უკანონო მოპოვება, შენახვა, ფლობისა და ვაჭრობის საქმეზე დააკავეს, მოსამართლემ პატიმრობაში დატოვა.
პროკურორმა სხდომათა დარბაზში განმარტა, რომ არსებობს ბრალდებულების მიმალვისა და მტკიცებულებათა განადგურების საფრთხე.
ბრალდების მხარის მტკიცებით, არსებობს ახალი დანაშაულის საშიშროებაც. პროკურორის განცხადებით, გამოძიებას აქვს ინფორმაცია, რომ დაკავებულები ფიროსმანის ორიგინალ ნახატს ფლობენ და მის რეალიზებასაც გეგმავენ. ამ მიმართულებით გამოძიება გრძელდება.