ბათუმის ვიცე მერმა, ლევან დავითაძემ, რომელსაც საკუთარი ავტომობილი გაუფუჭდა, კომპანია “ბათუმის წყლის” ბალანსზე არსებული ავტომობილი წამოიყვანა.
ტვ პირველის ჟურნალისტის კითხვაზე, რატომ დადის სამსახურში “ბათუმის წყლის” კუთვნილი ავტომობილით, დავითაძემ უპასუხა – “იმიტომ, რომ ჩემი ავტომობილი დაზიანებულია.
მისი თქმით, ამის უფლება კანონით აქვს მინიჭებული.
“მუნიციპალური საჭიროებიდან გამომდინარე, შეგვიძლია გამოვიყენოთ სხვა ავტო-ტექნიკაც, თუ ამის საჭიროება იქნება”, – აცხადებს ლევან დავითაძე.
ცნობისთვის, დავითაძე ვიცე მერის თანამდებობის დაკავებამდე, “ბათუმის წყლში” მუშაობდა.