რუსმა ოკუპანტებმა უკრაინაში კიდევ ერთი ქართველი, 42 წლის ბადრი ლოლაშვილი მოკლეს. ამის შესახებ ინფორმაცია უკრაინულ მედიაში 7 მაისს გავრცელდა.
ბადრი ლოლაშვილი კიევის საგანმანათლებლო სააგენტოს დირექტორი იყო. ის რუს აგრესორთან ბრძოლაში დაიღუპა დაიღუპა.
“ყველაფერი, რასაც ბადრი გოდერძივიჩმა ცხოვრებაში მიაღწია, შრომის, მუდმივი თვითგანვითარების, ცხოვრებისეული ოპტიმიზმისა და გმირობის წყალობითაა. ის დაჯილდოებულია “გამბედაობისთვის” III ხარისხის ორდენით, არაერთი მედლით და დიპლომით”, – აღნიშნულია კიევის განათლებისა და მეცნიერების დეპარტამენტის განცხადებაში.
ბადრი ლოლაშვილი 2014 წელს ერთ-ერთი პირველი იყო, ვინც ანტიტერორისტულ ოპერაციაში მიიღო მონაწილეობა. ის 1980 წლის 3 იანვარს საგარეჯოში დაიბადა. დაამთავრა ხარკოვის ეროვნული ტექნიკური უნივერსიტეტი, რის შემდეგაც, სხვადასხვა პერიოდში უკრაინის ქალაქებში მუშაობდა.
ქართველი მებრძოლი ჩერკასის რაიონის სოფელ დრაბოვში დაკრძალეს, სადაც საქართველოდან გადმოსვლის შემდეგ დაიწყო ცხოვრება და მოღვაწეობა.