დედის მკვლელობაში ბრალდებულის ადვოკატის განცხადებით, 17 წლის ბიჭი დანაშაულს აღიარებს.
მკვლელობის მოტივად კი ასახელებს, რომ დედის მხრიდან მისი მეგობრის მიმართ დამოკიდებულება არ იყო სათანადო, ასევე ამბობს, რომ ქალმა შვილს შეურაცხმყოფელი სიტყვებით მიმართა.
რა იქნება და როგორ, მხოლოდ სასამართლოს გადასაწყვეტია. მეზობელი ქალიც ესწრებოდა, დალია, დათვრა და დაიძინა, არაფერი არ გაუგია“, – განაცხადა ადვოკატმა.
საქართველოს პროკურატურამ დამამძიმებელ გარემოებებში, განზრახ მკვლელობის ფაქტზე ორ პირს ბრალდება წარუდგინა.
სამართალდამცველებმა ორივე ბრალდებული იმავე დღეს დააკავეს.
“გარდაცვლილის შვილს ნ.ხ.-ს ბრალდება საქართველოს სისხლის სამართლის კოდექსის 11 პრიმა 109-ე მუხლის „თ“, „ი“, „კ“ და „მ“ ქვეპუნქტებით (განზრახ მკვლელობა, ჩადენილი გენდერული ნიშნით, ჯგუფურად, ოჯახის წევრის მიმართ, განსაკუთრებული სისასტიკით), ხოლო რ.ნ.-ს საქართველოს სისხლის სამართლის კოდექსის 109-ე მუხლის „თ“, „ი“ და „მ“ ქვეპუნქტებით (განზრახ მკვლელობა, ჩადენილი გენდერული ნიშნით, ჯგუფურად, განსაკუთრებული სისასტიკით) წარედგინათ, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს”, – ნათქვამია ინფორმაციაში.
პროკურატურა ბრალდებულების მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.