მარნეულში, სოფელ აღმამედლოში, მდინარე დებედაში 17 წლის ელმან გამბაროვი დაიხრჩო. მოზარდი მდინარეში საბანაოდ შევიდა და უკან გამოსვლა ვეღარ შეძლო. მის დასახმარებლად ადგილზე მყოფები წყალში შევიდნენ, თუმცა უშედეგოდ.
როგორც “მთავარი არხი” ადგილობრივებზე დაყრდნობით ამბობენ, ტერიტორიაზე ქვის ქარხნებია და სხვადასხვა გათხრები მიმდინარეობს, რის გამოც მდინარეს გარკვეულ ადგილებში სიღრმეები აქვს და სწორედ ერთ-ერთ ასეთ მონაკვეთში ჩავარდა ახალგაზრდა.