2026 წლის იანვარ-სექტემბერში საქართველოსა და ამერიკის შეერთებულ შტატებს შორის სავაჭრო ბრუნვა თითქმის 19%-ით შემცირდა. უფრო კონკრეტულად, თუ 2025 წლის 9 თვეში ბრუნვის მოცულობა 2.251 მლრდ დოლარს შეადგენდა, წელს საანგარიშო პერიოდში ის 1.830 მლრდ დოლარამდე შემცირდა.
აღსანიშნავია, რომ აშშ-სთან სავაჭრო ბრუნვის მოცულობის შემცირება ძირითადად იმპორტის ხარჯზე მოხდა, ექსპორტი კი, პირიქით, 70%-ით გაიზარდა. კერძოდ, საქსტატის მონაცემებით, 2025 წლის 9 თვეში აშშ-დან 2.184 მლრდ დოლარის ღირებულების პროდუქცია შემოვიდა, წელს 9 იანვარ-სექტემბერში კი 1.716 მლრდ დოლარის (კლება 21.4%). რაც შეეხება ექსპორტს, ამ მაჩვენებელმა 67.025 მლნ დოლარიდან 114.439 მლნ დოლარამდე მოიმატა.
„ბიზნესპრესნიუსი“ გთავაზობთ, 5-5 პროდუქტს, რომელიც საქართველომ ყველაზე დიდი მოცულობით იყიდა და გაყიდა აშშ-ში.
Top-5 იმპორტირებული პროდუქტი:
მსუბუქი ავტომობილები – 1.519 მლრდ დოლარი
თხილი და კაკალი – 52.712 მლნ დოლარი
ხორცი და კვების სუბპროდუქტები შინაური ფრინველის, ახალი, გაცივებული ან გაყინული – 8.498 მლნ დოლარი
სატვირთო ავტომობილები – 7.638 მლნ დოლარი
ავტომანქანების ნაწილები, ექსპლუტაციაში ნამყოფი – 6.984 მლნ დოლარი
Top-5 ექსპორტირებული პროდუქტი:
ფეროშენადნობები – 21.723 მლნ დოლარი
მილები, მილაკები და ღრუ პროფილები, უნაკერო, შავი ლითონისაგან – 9.407 მლნ დოლარი
საფრენი აპარატების ნაწილები – 8.212 მლნ დოლარი
ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან – 5.007 მლნ დოლარი
ყურძნის ნატურალური ღვინოები – 4.534 მლნ დოლარი.