საქართველოს მეხუთე პრეზიდენტი სალომე ზურაბიშვილი მიიჩნევს, რომ სერბეთში სტუდენტური მოძრაობის გამარჯვებამ აჩვენა, როგორ შეუძლია საზოგადოებას გამოკვეთილი ლიდერისა და ძლიერი პოლიტიკური პარტიების გარეშეც გაერთიანება და ხელისუფლების შეცვლა. ამის შესახებ ზურაბიშვილი სოციალურ ქსელში წერს.
მისი შეფასებით, სერბეთის, უნგრეთისა და სომხეთის მაგალითები ადასტურებს, რომ ავტორიტარული მმართველობის წინააღმდეგ ბრძოლაში უიმედობა დაუშვებელია. ზურაბიშვილი აცხადებს, რომ მსგავსი რეჟიმების მთავარი საყრდენი საზოგადოებაში პესიმიზმისა და სასოწარკვეთის გავრცელებაა.
ესე იგი, ლიდერის გარეშეც, ძლიერი პარტიებისბგარეშე, საზოგადოებას თურმე შეუძლია გაერთიანდეს და დაამარცხოს 14 წლიანი ავტორიტარული პრო რუსული რეჟიმი. უნგრეთიც, სომხეთიც, და ეხლა სერბეთი იმის მაგალითია პირველ რიგში, რომ უიმედობა არ შეიძლება! ასეთი რეჟიმების მთავარი საყრდენია ხალხში პესიმიზმის, უიმედობისა და სასაოწარკვეთილების გავრცელება.
რა გვეშველებას ძახილს, სჯობს ჩვენივე ძალები შემოვკრიბოთ, ჩვენში დავინახოთ საშველი და სერბ სტუდენტების მსგავსად ძალადობრივი რეჟიმი ჩამოვიშოროთ, ამოვისუნთქოთ და ჩვენივე კითხვაზე გავცეთ პასუხი “გვეშველა! რამეთუ ქვეყვანას ეშველა!, – წერს სალომე ზურაბიშვილი.
ცნობისთვის, სერბეთის ყოფილმა პრეზიდენტმა ალექსანდარ ვუჩიჩმა 25 ოქტომბრის ვადამდელ საპარლამენტო არჩევნებში დამარცხება აღიარა. ქვეყნის მმართველი პარტიის პრემიერმინისტრობის კანდიდატმა, თქვა, არჩევნებში “სტუდენტურმა სიამ” გაიმარჯვა.