მოცეკვავე ფრიდონ სულაბერიძე (უმცროსი) “ფორმულასთან” ინტერვიუში აცხადებს, რომ კულტურის ყოფილი მინისტრის, თიკა რუხაძის წინააღმდეგ სასამართლოში სარჩელი აქვს შეტანილი.
როგორც მოცეკვავე აცხადებს, თიკა რუხაძემ მას სიტყვიერი შეურაცხყოფა მიაყენა, რაც მისი თქმით, კონკრეტული ქორეოგრაფის წარდგენას მოჰყვა, რომელიც “სუხიშვილების” ანსამბლის ყოფილი მოცეკვავე და ცნობილი პიროვნებაა.
“შელაპარაკება როდესაც მოხდა, თიკა რუხაძემ დაიწყო ხელების მაგიდებზე დარტყმა, ყვიროდა : “გაიყვანეთ აქედან”, “წადით აქ არ დამენახვოთ” და ა.შ. კივილი, პანიკა ატეხა. დაუძახა დაცვას…
სასამართლო სარჩელი არის შეტანილი და გაჩერებული იქნა 1 წლის განმავლობაში რუხაძის მინისტრობის პერიოდში.
თუ სასამართლო ჩაინიშნება ყველა მოცეკვავე და ყველა პერსონა რომელიც გაათავისუფლეს სამსახურიდან, დაბრუნდებიან თავიანთ ადგილებზე.” – განაცხადა ფრიდონ სულაბერიძემ.