რუსეთ-უკრაინის ომში დაღუპული ქართველი მებრძოლის, გია ბერიაშვილის შვილი, მარიამ ბერიაშვილი სოციალურ ქსელში აგვისტოს ომის 14 წლისთავს ეხმიანება და მამის შესახებ წერს.
“ეს მამაჩემია, ამ ფოტოებს შორის წლებია განსხვავება, მაგრამ სამშობლოს სიყვარული და ერთგულება წლები ვერაფერს აკლებს. ორივე ფოტოში ხელში იარაღმომარჯვებული რუსი ოკუპანტების წინააღმდეგ იბრძოდა. 2008- შიც გმირი იყავი დღესაც გმირი ხარ, მა. მოვა დრო და ჩვენი დაკარგული 20% ისევ ჩვენი იქნება!” – წერს მარიამ ბერიაშვილი.