ისტორიის მასწავლებელმა ქუთაისის მეშვიდე საჯარო სკოლიდან, მზია ბუბაშვილმა “ბათუმელებთან“ ინტერვიუში მშობლების მასობრივი მიგრაციაზე ისაუბრა. მისი თქმით, ყოველ მშობელთა კრებაზე იზრდება ისეთი მშობლების რაოდენობა, რომლებიც უცხოეთში არიან წასული.
“ტენდენცია არის მზარდი. თუ წლების წინ მშობელთა კრებაზე შევდიოდი და ვხედავდი, რომ ოთხი-ხუთი მშობელი აკლდა იმის გამო, რომ უცხოეთში წავიდა, თითქმის ყოველ კრებაზე ეს მაჩვენებელი სამმაგდება. როცა ოცდაათამდე ბავშვი გიზის კლასში, ეს დიდი მაჩვენებელია.ბოლო მშობელთა კრებაზე, ფაქტობრივად, 3-4 მშობელი იყო, დანარჩენი უცხოეთში არიან წასულები. პრობლემაა ისიც, რომ ოჯახებიდან დედები მიდიან, ძირითადად, თუ ორივე მშობელი მიდის, ეს კიდევ უარესია”, – ამბობს მზია ბუბაშვილი.