მსახიობი ანკა ვასაძე „ტელეიმედზე“ პროექტ „ვინ ვინ არის“ ერთ-ერთი განსაკუთრებული მონაწილე – არწივი აღმოჩნდა. მან ბოლომდე მოახერხა ვინაობის კარგად შენიღბვა. – ამასთან დაკავშირებიტ მან ჟურნალ “თბილისელებთან” ისაუბრა.
როგორ მოახერხე თითქმის სამი თვის განმავლობაში მთელი საქართველოს მოტყუება?
“როცა ჩემს თავს რამე ხდება, მთელმა ჩემმა ოჯახმა იცის. ეს ყოველთვის ასეა. ამიტომ ვერ წარმოიდგინეს ჩემებმა, რომ არ ვეტყოდი. რაც მთავარია, პროექტს მთელი ჩემი ოჯახი უყურებდა და ისინი ვერ ხვდებოდნენ, არამც თუ საქართველო (იცინის). დედაჩემს ამიკო ჩოხარაძე ვეგონე. ბებიაც აღნიშნავდა არწივი კაცი მგონიაო. თავიდან საერთოდ არ ვლაპარაკობდი ამ პროექტზე, ვითომ დიდი ინტერესიც არ მქონდა. დედა, მამა, ბებიები, დეიდა ვერ ხვდებოდნენ. დეიდაჩემმა ბოლოს წინა ლაივზე ამომიცნო და დამირეკა. მამაჩემის ცოლმა ამომიცნო პირველივეზე – ვიცოდი ამ პროექტში რომ იქნებოდიო. ჩემს ქმარს და დას ვუთხარი. თვითონაც ძალიან მაინტერესებდა, მიცნობდნენ თუ არა. თეატრის რამდენიმე მეგობარმა მიცნო, რაც არ გამკვირვებია. ყველაზე ცუდ დღეში ჩემმა მეგობარმა, გიორგი კიკნაძემ ჩამაგდო (დუტას ძმამ), რომელსაც ძალიან კარგი სმენა აქვს, 10 წელია, ვმეგობრობთ და ვერ აიტანა, რომ ვატყუებდი, არ მომეშვა, მაგრამ მე ბოლომდე არ გავტყდი (იცინის).” – განაცხადა ვასაძემ