დიდ ლილოში მდებარე 216-ე და 217-ე საჯარო სკოლებში სასწავლო პროცესი შეჩერებულია, მოსწავლეები და მშობლები მეორე დღეა აპროტესტებენ სკოლასთან მდებარე ნაგავსაყრელს, რომელიც სკოლიდან რამდენიმე მეტრში მდებარეობს და დასახლებას ადგილზე შეკრებილების თქმით, ეკოლოგიური კატასტროფის წინაშე აყენებს.
მშობლები მერიას უყურადღებობაში ადანაშაულებენ.
მათივე თქმით, კახა კალაძე ხალხს ნაგავსაყრელის გადატანას სამი წლის წინ დაჰპირდა, მაგრამ საკითხი ისევ მოუგვარებელია.
მშობლების თქმით, არსებულ გარემოში სასწავლო პროცესის ჩატარება ჯანმრთელობისთვის სერიოზულ რისკს წარმოადგენს და ისინი იძულებულები არიან ბავშვები სკოლაში არ გაუშვან, სანამ მერია მათ მოთხოვნას არ დააკმაყოფილებს.
“16 წლის მანძილზე ვიწამლებით გაზით, აირით, გამონადენით, რომელიც ჩადის არხში, ჩადის თბილისის ზღვაში და ამ თბილისის ზღვით, წყლით მარაგდება მთელი თბილისი, არავის არ უნდა, რომ ბავშვებს რაიმე შეზღუდვა, საფრთხე არაკანონიერი დაემუქროს, თუმდაც ის, რომ განათლების მიღბა შევუზღუდოთ რამოდენიმე დღით, მაგრამ სხვა გზა არ დაგვრჩა. ჩემი შვილის ჯანმრთელობა უპირატესია, ვიდრე განათლება” – აცხადებს ერთ-ერთი მშობელი.