ყირიმში ქალმა ქმარს რუსი ოკუპანტების მხარდაჭერის გამო, ტაფით სცემა და გათიშა, – აღნიშნულის შესახებ ინფორმაციას უკრაინული მედია ავრცელებს.
მედიის ცნობით, ქალმა ბაღის ნიჩბით დაჭრა Z და V სიმბოლოები სახლსა და ეზოში. გარდა ამისა, ასეთივე სტიკერების წაშლის მიზნით ქმრის ავტომობილს ბენზინი გადაასხა.
როგორც Unian-ი წერს, გონზე მოსვლის შემდეგ, კაცმა პოლიციაში ცოლის წინააღმდეგ საჩივარი შეიტანა. ის ცოლის მიმართ “ზომების მიღებას” ითხოვდა და აცხადებდა, რომ ქალი მათ საერთო შვილს “ხელისუფლების წინააღმდეგ განაწყობდა”.
ოლეგი, რომელიც სევასტოპოლიდან არის, სვეტლანას სამი წლის წინ შეხვდა, გარკვეული პერიოდის შემდეგ კი ისინი დაქორწინდნენ. წყვილს შორის უთანხმოება 24 თებერვალს დაიწყო, მას შემდეგ, რაც რუსეთის ჯარი უკრაინაში შეიჭრა.