ევროკავშირის საელჩომ საქართველოში გორში დაგეგმილი “კამარა“ ფესტივალის “უსაფრთხოების მიზნებიდან” გამომდინარე გადადების გამო სინანული გამოთქვა. აღნიშნული განცხადება შალვა პაპუაშვილის კრიტიკის ობიექტი გახდა.
ევროკავშირის წარმომადგენლობა ფესტივალ „კამარას“ გადადებაზე განცხადებას ავრცელებს
პაპუაშვილის მტკიცებით, ის, რაც დადო ევროკავშირის საელჩომ, პირდაპირ წაქეზებაა სიძულვილის ენის, დედის გინების, „მონის“ წოდების, ფაშიზმის, რადიკალიზმის.
მისივე თქმით, ამის წახალისებით არის დაკავებული ევროკავშირის საელჩო და მართლაც სირცხვილია უბრალოდ, რომ ერთი პოლიტიკური მიზანი აქვთ, რომ როგორმე „ნაცები“ მოიყვანონ ხელისუფლებაში.
მედია მიმართავდა ევროკავშირს და პაველ ჰერჩინსკი ამაზე დუმდა და პასუხის ღირსადაც არ ჩათვალა საქართველოს 1 200 000 მოქალაქე, რომლის მაგინებელსაც ფულს აძლევდა. პასუხის ღირსადაც არ ჩათვალა ქართული მედია, თუმცა ქართველი ხალხის მაგინებლის ამ ერთი პოსტს, განცხადებით გამოეხმაურა. ესეც ხომ აჩვენებს, სად დგას დღეს ევროკავშირის წარმომადგენლობა თავისი ღირებულებებით, რომელიც 1 200 000 ადამიანს სიტყვისა და პასუხის ღირსადაც არ თვლის, ქართველებს და ამ „კორძის“ ერთ INSTAGRAM პოტს ეგრევე გამოეხმაურა, ბოდიშებით ლამის, რომ გააუქმა ეს შეხვედრა“, – აცხადებს პაპუაშვილი.
მისი თქმით, ევროკავშირის ელჩის ქცევით იმედგაცრუებულია.
„იმედგაცრუებული ვარ პაველ ჰერჩინსკის ამ ქცევის გამო, რომელმაც ქართველ ხალხს გვაჩვენა, თუ როგორ განგვიხილავს, რომ დედის გინება, „მონის“ დაძახება, ფაშიზმი და გინება ყოფილა ქართული კულტურა. ეს გაიგო ამ ადამიანმა საქართველოსგან? მერე გამოდის და დიდის ამბით, დამტვრეული ქართულით რაღაცებს ლაპარაკობს. ვის, რაში სჭირდება მისი დამტვრეული ქართული, თუ ასეთ რაღაცას აკადრებს ქართველ ხალხს“, – აცხადებს პაპუაშვილი.