საქართველოს პრემიერ-მინისტრმა გაერო-ს გენერალურ მდივან ანტონიუ გუტერეშთან შეხვედრაზე რეგიონში არსებულ ვითარებაზე ისაუბრა, – ამის შესახებ საქართველოს მთავრობის ადმინისტრაციის უფროსმა, ლევან ჟორჟოლიანმა ჟურნალისტებს განუცხადა.
როგორც ლევან ჟორჟოლიანმა აღნიშნა, პრემიერმა გაერო-ს გენერალურ მდინავს მიაწოდა ინფორმაცია ქვეყანაში არსებული ვითარების შესახებ.
„ბოლო ხუთი წლის განმავლობაში ჩვენ გვაქვს არა მხოლოდ რეგიონში, არამედ ევროპაში ყველაზე მეტი ეკონომიკური ზრდა, ეს არის 9,3 პროცენტი და მიმდინარე წელს გვაქვს 7,9 პროცენტი. ვისაუბრეთ იმაზე, თუ რაოდენ მნიშვნელოვანია აღნიშნული ეკონომიკური ზრდა და ის დოვლათი, რომელიც ქვეყანაში წარმოიქმნება, განაწილდეს საქართველოს მოქალაქეებზე და ეს თითოეულმა მოქალაქემ იგრძნოს.
ასევე პრემიერ-მინისტრი შეეხო რეგიონში და სამეზობლოში არსებულ მდგომარეობას“, – განაცხადა ლევან ჟორჟოლიანმა.