ჯონდი ბაღათურიამ, დავით ოსეფაშვილმა, მაია სირაძემ, კახა კახიშვილმა და კახა მაისურაძემ, პარლამენტში ახალ საკანონმდებლო წინადადება – „ცვლილებები და დამატებები საგადასახადო კოდექსში“ დაარეგისტრირეს.
ახალი ინიციატივა, მცირე და საშუალო ბიზნესის ხელშეწყობის მიზნით, დღგ-ს გადამხდელთა რეესტრში რეგისტრაციის სავალდებულო 100 000-ლარიანი ზღვრის 500 000 ლარამდე გაზრდას ითვალისწინებს.
როგორც ჯონდი ბაღათურიამ აღნიშნა, ინიციატივის მიზანია მცირე და საშუალო ბიზნესის სტიმულირება, საგადასახადო ტვირთის შემცირება და ეკონომიკური აქტივობის წახალისება, რაც საშუალო ფენის შექმნას განაპირობებს, დღგ-ის სავალდებულო რეგისტრაციის ზღვრის მნიშვნელოვანი გაზრდის გზით. მისი თქმით, არსებული ზღვარი 100 000 ლარი, მიღებულია 20 წლის წინ.