უფლებადამცველი ნონა ქურდოვანიძე მთავრობის მიერ გრანტების მართვის სააგენტოს დახურავას ეხმაურება და ამბობს, რომ აღნიშნული სააგენტოს შექმნაც თავის დროზეც “მოსაჩვენებლად გადადგმული ნაბიჯი იყო“.
ქურდოვანიძე იმ პროექტებზეც წერს, რომელიც მისი ინფორმაციით, სააგენტომ 2025 წლის ივლისში გამოცხადებულ მცირე გრანტების კონკურსშიჯამური ბიუჯეტით 1,657,775 ლარით დააფინანსა.
დღეს ცნობილი გახდა, რომ სახელმწიფო გრანტის მართვის სააგენტო წლის ბოლომდე დაიხურება. შეხსენებისათვის, ეს სააგენტო რეპრესიული კანონების მიღების პარალელურად შექმნა “ქართულმა ოცნებამ“ 2025 წლის აპრილში. მაშინ ამბობდნენ, რომ სააგენტოს მიზანია სამოქალაქო საზოგადოების ორგანიზაციები სახელმწიფო ბიუჯეტიდან დაფინანსდნენ და არა უცხოური დონორებისაგან.
ამ დროისათვის საჯაროდ ხელმისაწვდომი ინფორმაციის თანახმად, სააგენტომ 2025 წლის ივლისში გამოცხადებულ მცირე გრანტების კონკურსში 17 პროექტი, ჯამური ბიუჯეტით 1,657,775 ლარით დააფინანსა. დაფინანსება მიიღეს ისეთმა ორგანიზაციებმა, რომელთა ნაწილი საერთოდ ამ კონკურსამდე ცოტა ხნით ადრე დაფუძნდა და როგორც ჩანს, სპეციალურად ამ მიზნით დარეგისტრირდნენ.
ამ სააგენტოს დაფუძნება იყო იმ დროისათვის მოსაჩვენებლად გადადგმული ნაბიჯი, რომ უცხოური დაფინანსების შეზღუდვის უპრეცედენტო მასშტაბები ოდნავ მაინც შეელამაზებინათ. ახლა ამის საჭიროებაც აღარ დგას როგორც ჩანს, – წერს ქურდოვანიძე.
მთავრობა გრანტების მართვის სააგენტოს ხურავს. კობახიძის მტკიცებით, “სააგენტო მილევად რეჟიმშია და ის წლის ბოლომდე დაიხურება”.