“სამართლებრივი უვიცობა” – ასე აფასებს იურისტი მაია მწარიაშვილი შალვა პაპუაშვილის განცხადებას, რომლის მიხედვითაც, შეწყალებით გათავისუფლებული დემონსტრანტების მიერ დანაშაულის აღიარება მათი დაკავებისა და მსჯავრდების კანონიერებას ადასტურებს.
მწარიაშვილი ამბობს, რომ ბრალის აღიარებას განაჩენის კანონიერებასთან კავშირი არ აქვს და პარლამენტის თავმჯდომარეს სამართლებრივი საკითხებით მანიპულირებაში ადანაშაულებს.
თურმე მსჯავრდებულმა უნდა მოინანიოს, მოინანიოს, მას შემდეგ, რაც დამთავრდება სასამართლო განხილვები უნდა აღიაროს, მოიანანიოს და შემდეგ მიიღებს შეწყალებას.
რასაკვირველია, თავად ეს რიტორიკაც კი არათუ ის, რომ ასეთი რეალობა შექმნეს, ადამიანებს არ დაუტოვეს სხვა საშუალება, მიუთითებს იმაზე, რომ ეს არის ძალადობის იარაღად გამოყენებული. ეს იცით, როგორი უვიცობაა სამართლებრივი თვალსაზრისით? აღიარება-არაღიარებას არაფერი საერთო არ აქვს განაჩენის კანონიერებასთან. კეთილსინდისიერი მოსამართლე ყველაზე ფრთხილად აფასებს გისოსებში მყოფი ადამიანი რატომ აღიარებს. ვიშნისკის თეორია იყო საბჭოთა პერიოდში, აი, იმ ბნელ წლებში და მაშინ აღიარებას ეძახდნენ “მტკიცებულებათა დედოფალს”. აი, იქ დაბრუნდა ჩვენი ხელისუფლება. რომელ მუხლზეც ის მიუთითებდა, თურმე პოლიციელზე თავდასხმას, ამ მუხლით არ არის მზია ამაღლობელი მსჯავრდებული, ამიტომ ის ეძახის ადამიანს დამნაშავეს ისე, რომ მუხლიც არ იცის, უბრალოდ, მანიპულირებს სიტყვებით, – ამბობს იურიდიული ფირმის ბიზნესის იურიდიული ბიურო უფრო პარტნიორი მაია მწარიაშვილი.
შალვა პაპუაშვილმა დღეს თქვა, რომ ციხიდან შეწყალებით და აღიარებით გამოსული დემონსტრანტები ცხადყოფს, რომ ყველა კანონიერად დაიჭირეს.