პრემიერ-მინისტრი ირაკლი კობახიძის 4 სექტემბრის განკარგულებით, თბილისში, ცოტნე დადიანის ქუჩაზე, სახელმწიფო საკუთრებაში არსებული 806 კვ.მ. არასასოფლო-სამეურნეო დანიშნულების მიწის ნაკვეთი საპატრიარქოს 1 ლარად გადაეცა.
განკარგულებაში ვკითხულობთ, რომ ამ მიწის ნაკვეთზე, რომელიც ცოტნე დადიანის №30ა-ში მდებარეობს, 109.85 კვ.მ. შენობაა განთავსებული.
საქართველოს საპატრიარქოს საპრივატიზაციო თანხის, 1 ლარის გადახდა ხელშეკრულების გაფორმებიდან 1 თვის ვადაში განესაზღვრა.