შალვა პაპუაშვილი ამბობს, რომ “ლაზარე ჯორბენაძის სულს არ ასვენებენ” – პარლამენტის თავმჯდომარემ ამის შესახებ მას შემდეგ განაცხადა, რაც “ტვ პირველის” ჟურნალისტმა ასავალ-დასავალის რესპონდენტის გარდაცვალების შესახებ ღარიბაშვილის წერილში გაჟღერებული ბრალდებების შესახებ კითხვა დასვა.
შეგახსენებთ, რამდენიმე დღის წინ ყოფილმა პრემიერმა კითხვები დასვა ლაზარე ჯორბენაძის გარდაცვალების რეალურ მიზეზებთან დაკავშირებით და განაცხადა, რომ საზოგადოებაში პასუხგაუცემელი კითხვები რჩება რამდენიმე ადამიანის თვითმკვლელობის ფაქტზე, რომლებიც, მისი თქმით, „კობახიძე-მდინარაძის მმართველობის დროს“ მოხდა.
პაპუაშვილის თქმით, ლაზარე ჯორბენაძემ გარდა იმისა, რომ თვითმკვლელობით ცოდვა დაიდო, ასევე ბევრ ადამიანს დასწამა ცილი.
პარლამენტის თავმჯდომარემ დღეს გარდაცვლილის მიერ ადავალლ-დასავალისთვის მიცემულ ინტერვიუებს “ბოდვა” უწოდა და თქვა, რომ ახლა ამ “ბოდვის ტირაჟირება” ხდება.
საღი განსჯის უნარი გვაქვს. როდესაც ეს ადამიანი იყო ცოცხალი, ამბობდა, რომ აქვს საიდუმლო კოდები, რომლითაც სადღაც შედის. ამ ადამიანმა თვითმკვლელობა თვითმკვლელობა და სხვა ცოდვაც დაიდო და ისე წავიდა – ცილი დასწამა ადამიანებს. ეს არის ზღაპარი. მთელი უბედურება რაშია იცით, რომ აბსოლუტურად ყველამ კარგად იცის, რომ ეს იყო ბოდვა. ამ ბოდვის მერე ახლა ეს ადამიანი ცოცხალი არ არის და ახლა მის ამ ნაბოდვარ იყენებენ იმისთვის, რომ ტირაჟირება მოახდინონ, ეს არის უსინდისობა, უპირველესად ამ ადამიანის მიმართ, გარდაცვლილის მიმართ, როდესაც მის სულს არ ასვენებენ იქაც და მის ცილისწამებას იმეორებენ და ამით მის სულს კიდევ ზიანს აყენებენ”, – ამბობს პაპუაშვილი.