თენგიზ ცერცვაძის ჯანმრთელობის მდგომარეობა საშუალოზე მძიმეა – ამის შესახებ ინფექციური საავადმყოფოს დირექტორმა თავად განაცხადა. მისი თქმით, სიმპტომებიდან აღენიშნება მაღალი სიცხე, ყელის ტკივილი და ზოგადი ინტოქსიკაცია. ცერცვაძეს კორონავირუსი გუშინ დაუდასტურდა.
„მდგომარეობა არის საშუალოზე უფრო მძიმე. მაღალი ტემპერატურა მაქვს, ყელის ტკივილი, ცხვირში გაჭედილობა და ზოგადი ინტოქსიკაცია. პირველი რაც გავაკეთე – ახლა საავადმყოფოში ვარ და რემდესივირი გადავისხი.” – აცხადებს ცერცვაძე „ქრონიკასთან” საუბრისას