ცნობილი თურქი მსახიობი სერჰათ ქილიჩი 51 წლის ასაკში გარდაცვლილი იპოვეს სტამბოლში, საკუთარ სახლში – აღნიშნულის შესახებ ინფორმაციას თურქული მედია ავრცელებს.
როგორც ცნობილია, მსახიობს რამდენიმე დღის განმავლობაში ვერ უკავშირდებოდნენ. მისმა შეყვარებულმა, რომელიც მის საცხოვრებელ სახლში მივიდა, ის მისაღებ ოთახში, დივანზე გარდაცვლილი იპოვა.გავრცელებული ცნობებითა და მისი შეყვარებულის ჩვენებით, მსახიობს ლეიკემიასთან დაკავშირებული ჯანმრთელობის პრობლემები ჰქონდა. გარდა ამისა, სულ ახლახან მას ხერხემლის თიაქარიც დაუდგინდა.