28 ივლისს „ჯორჯიან უოთერ ენდ ფაური“ ღრმაღელე-ვაზისუბნის წყალგამტარ გვირაბზე წყალმომარაგების სტაბილურობისთვის აუცილებელ სამუშაოებს ჩაატარებს.
კომპანიაში აცხადებენ, რომ, დაგეგმილი სამუშაოების ფარგლებში, მაგისტრალურ ქსელზე ჩამკეტ-მარეგულირებელი ურდულები დამონტაჟდება, რაც წყლის ნაკადების მართვას მნიშვნელოვნად გააუმჯობესებს.
გადაუდებელი სამუშაოები 28 ივლისს, დღის 14:00 საათზე დაიწყება და ინტენსიურ რეჟიმში შესრულდება.
„ჯორჯიან უოთერ ენდ ფაური“ განმარტავს, რომ, აღნიშნულთან დაკავშირებით, წყალმომარაგების მაგისტრალური ქსელის წყლისგან დაცლაა აუცილებელი, რის გამოც ხვალ, 28 ივლისის 14:00 საათიდან 29 ივლისის საღამოს 20:00 საათამდე წყალმომარაგება შეეზღუდება:
ჩუღურეთის რაიონში – სამშვილდის, აფხაზეთის, სამურზაყანოს, 9 ძმის, სალხინოს, ლებარდეს, ატოცის, ჩეჩელაშვილის, მნათობის, დავითაშვილის, გუმათის, ხუდადოვის, მახათის, მეუნარგიას, გედევანიშვილის, სარკინეთი, ართვინის, განთიადის, არაგვისპირელის, სიღნაღის, კანდელაკის, ხორნაულის, რეხის I-III, გაბუნიას, ყუბანეიშვილის, ბეთაშვილის, ადამიასა და მიმდებარე ქუჩებს, ივერთუბნის დასახლებას.
ნაძალადევის რაიონში – გეგუთის, სვირის, თოდრიას, ჟღენტის, ლოტკინის მთის, სამღერეთის, ზაქარაიას, ნაქალაქევის, ბეჟანიშვილის, დაისის, ღრმაღელეს, ილურიძის, ჯავის, დიდი ჯიხაიშის, კოკინაკის, ლომთათიძის, ზედაზენის, ლიახვის, გუდამაყარი, ქვიშხეთის, ღრმარელეს, რატევანის, ხუდადოვის, კახიანის, ნოსტეს, სანზონის ქუჩის ნაწილს, სტურუას, ურიდიას, გავაზაურის, ჭიჭინაძის, ალექსი მესხიშვილის, ქართლელიშვილის, ავშნისა და მიმდებარე ქუჩებს, ჩარგლის ქუჩის ნაწილს, თბილისის ზღვის დასახლებას.
ისნის რაიონში – ვაზისუბნის დასახლებას და მიკრორაიონებს, ვარკეთილი IV მე-3 კვარტალს, გაბრიელ სალოსის და მოსკოვის გამზირის ნაწილს, გეთიას, ქეთევან დედოფლის გამზირის ნაწილს, 300 არაგველის, ბოჭორმის, კაჩინსკის, დოდაშვილის, გუდარეხის, დიდგორის, მუჯირიშვილის, ნიაბის, სამრეკლოს, მესხიშვილის, ავლაბრის, აწყურის, ამირეჯიბის, ხერხეულიძის, წურწუმიას, ხომერიკის, მთისძირის, ნავთლუღის, დედოფლისწყაროს, პატარძეულის, უჯარმის, ანჯაფარიძის, დოლაბაურის, მეტეხისა და მიმდებარე ქუჩებს.