“ეს ის სერიალია, რომელიც შემდეგ კვირებშიც გაგრძელდება” – ამის შესახებ “ლელო – ძლიერი საქართველოს” წევრმა, ფიქრია ჩიხრაძემ განაცხადა და ირაკლი ღარიბაშვილის წერილებსა და მის განცხადებებზე დაწყებლ გამოძიებას გამოეხმაურა.
ფიქრია ჩიხრაძის თქმით, მმართველ პარტიაში “ძალიან მძიმე ამბები ხდება”.
ოპოზიციონერი პოლიტიკოსი აღნიშნავს, რომ ბიძინა ივანიშვილს ყველანაირად უნდა რომ განერიდოს ამას და პასუხისმგებლობა არ აიღოს არაფერზე, მაგრამ “უყვარს, როცა მისი ხელქვეითები ერთმანეთს ებრძვიან”.
“მე მგონია, რომ ეს ის სერიალია, რომელიც შემდეგ კვირებშიც გაგრძელდება. მე რაღაცნაირად მგონია, რომ ძალიან მძიმე ამბები ხდება მმართველ პარტიაში, შესაბამისად ხელისუფლებაში ხდება ძალიან მძიმე ამბები. ბუნებრივია, ბიძინა ივანიშვილს ყველანაირად უნდა რომ განერიდოს ამას და პასუხისმგებლობა არ აიღოს არაფერზე და მას, ვინც კარგად იცნობს, ძალიან ბევრჯერ უთქვამს, რომ უყვარს, როცა მისი ხელქვეითები ერთმანეთს ებრძვიან და ერქაგრეხილებიან, მაგრამ ეს რაღაც სხვა ეტაპია, ეს არ არის ჩვეულებრივი ბრძოლა, ეს რაღაც ძალიან მძიმე ბრძოლაა იმ თვალსაზრისით, რომ ეს არ ეხებათ კონკრეტულ ადამიანებს, ეს ეხება ყოფილ პრემიერ-მინისტრს, მოქმედ პრემიერს, ყოფილს შინაგან და თავდაცვის მინისტრს, პარტიის თავმჯდომარეს, მოქმედ თავმჯდომარეს პარტიული ელიტიდან და ვითომც აქაც არაფერი.
ეს ყველაფერი ხომ ნიშნავს იმას, რომ სახელმწიფო, რომელიც ძლივს იდგამდა ფეხს, აბსოლუტურად გაიხრწნა ბოლომდე, გაიხრწნა კორუფციის თვალსაზრისით,” – ამბობს ფიქრია ჩიხრაძე.
საქმე ირაკლი ღარიბაშვილის მიერ საპატიმროდან გამოქვეყნებულ წერილს უკავშირდება. ყოფილმა პრემიერმა კითხვები დასვა ლაზარე ჯორბენაძის გარდაცვალების რეალურ მიზეზებთან დაკავშირებით და განაცხადა, რომ საზოგადოებაში პასუხგაუცემელი კითხვები რჩება რამდენიმე ადამიანის თვითმკვლელობის ფაქტზე, რომლებიც, მისი თქმით, „კობახიძე-მდინარაძის მმართველობის დროს“ მოხდა.
ღარიბაშვილის წერილისა და სხვა საჯარო განცხადებების შემდეგ პროკურატურამ განაცხადა, რომ შსს-ში მიმდინარე გამოძიების ფარგლებში გამოკითხვაზე დაიბარეს არაერთი პოლიტიკოსი და საზოგადოებისთვის ცნობილი პირი, მათ შორის ნიკა გვარამია, ირმა ინაშვილი, ნანუკა ჟორჟოლიანი, ხატია დეკანოიძე, თაზო დათუნაშვილი, გია ხუხაშვილი და სხვები.
მსგავსი სიახლეები