მეწყერმა ქობულეთის სოფელ აჭში საცხოვრებელი სახლი დააზიანა – ინფორმაციას ბათუმელები ავრცელებს და წერს, რომ მეწყერმა დარეჯან სალუქვაძის საცხოვრებელი სახლის კედელი შეანგრია. დაზიანდა საყოფაცხოვრებო ნივთებიც, თუმცა სახლში მყოფი პირებიდან არავინ დაშავებულა.
მერიის ინფორმაციით, ოჯახი გადაყვანილია უსაფრთხო ადგილას.
“გუშინვე გამოძახებული იყვნენ გეოლოგები და მოხდება მდგომარეობის შესწავლა. ამ ეტაპზე სოფელში მხოლოდ ერთი ოჯახია დაზარალებული.“ – უთხრეს ბათუმელებს მერიის პრესსამსახურში.