ბიზნესმენმა ცნობილ მომღერალს ხელი დოლარების თაიგულით სთხოვა – მომღერლის რეაქციამ მაყურებელი გააოცა

ალმათიში, Media Basket Almaty-ის ტურნირზე, ცნობილი ყაზახი რეპერის Say Mo-ს გამოსვლა მოულოდნელი სცენით დასრულდა.

მომღერალს სცენაზე Media Basket-ის პრეზიდენტი და „ირბისის“ საკალათბურთო კლუბის მფლობელი ევგენი ბულატოვი შეუერთდა. მამაკაცმა მის წინ მუხლზე დაიჩოქა და ხელში უზარმაზარი თაიგული გადასცა, რომელიც ჩვეულებრივი ყვავილების ნაცვლად დოლარის კუპიურებისგან იყო გაკეთებული. მასთან ერთად ბულატოვს Cartier-ის ყუთიც ჰქონდა.

Say Mo აშკარად გაოცებული დარჩა და მომხდარისგან დაბნეულმა თქვა, რომ შოკში იყო. გავრცელებულ ვიდეოებში ჩანს, რომ სიტუაციამ დამსწრეების დიდი ყურადღება მიიპყრო.

მოგვიანებით სოციალურ ქსელებში მომხმარებლები აქტიურად განიხილავდნენ, იყო თუ არა ეს ნამდვილი ქორწინების შეთავაზება. ნაწილი ამბობდა, რომ მომღერალმა შეთავაზებაზე უარი თქვა, ნაწილი კი ვარაუდობდა, რომ ყველაფერი წინასწარ დაგეგმილი შოუ იყო.